Төгсөгчдийн уулзалт амжилттай зохион байгуулагдлаа

МУИС-ийн Наношинжлэх ухаан инженерчлэлийн хөтөлбөр нь 2018 оноос хойш нийт 4 удаагийн төгсөлтийг амжилттай хийгээд байгаа юм. 2020 оноос МУИС-ийн дэргэд Нано шинжлэх ухаан нанотехнологийн төв байгуулагдсантай холбоотойгоор бүх төгсөгчидтэйгөө анхны цахим уулзалтыг амжилттай зохион байгууллаа. Уулзалтын хүрээнд:

• Оюутан цагаа дурсаж, дүгнэлт хийх, одоо суралцаж буй оюутнууддаа зөвлөгөө өгөх,
• Төгсөгчдийн эрхэлж буй ажлууд, тэдгээрийн онцлогийг оюутнуудад танилцуулах,
• Гадаадад эрдмийн зэрэг горилон суралцаж буй төгсөгчдийн туршлагаас судлах,
• Төгсөгчдийн холбооны үйл ажиллагааг тус тус хэлэлцлээ.

Төгсөгчдийн төлөөлөл болон дараах төгсөгчид илтгэл танилцуулав.

Гадаадад үргэлжлүүлэн сурч, ажиллаж буй:

• 2018 оны төгсөгч Э. Энхжаргал: БНСУ-ын Инчеоны Үндэсний Их Сургуулийн магистр, докторант
• 2018 оны төгсөгч М. Отгон-Үжин: Тайваний Үндэсний Их Сургуулийн докторант, Тайваний SF Scientific компанийн бүтээгдэхүүн хөгжүүлэлтийн инженер

Дотоодод үргэлжлүүлэн сурч, ажиллаж буй:

• 2019 оны төгсөгч Д. Батдорж: МУИС-ийн магистрант, МОНОС ХХК-ийн Эм Судлалын Хүрээлэнгийн эрдэм шинжилгээний дадлагажигч ажилтан
• 2019 оны төгсөгч С. Жаргалмаа: Гаалийн Ерөнхий Газрын гаалийн улсын байцаагч, шинжээч
• 2020 оны төгсөгч Т. Мөнх-Эрдэнэ: МУИС-ийн магистрант, МУИС-ийн Цөмийн физикийн судалгааны төвийн эрдэм шинжилгээний дадлагажигч ажилтан
• 2020 оны төгсөгч Т. Цэнгүүн: МУИС-ийн магистрант, Barloworld Mongolia ХХК-н технологийн хэлтсийн химич

Төгсөгчдийн зүгээс хөгжөөнт тоглоом, гэнэтийн бэлгүүд бэлдсэн нь уулзалтад баяр хөөр нэмсэн үйл явдал байлаа.

Уулзалтад оролцсон нийт төгсөгчид болон зохион байгуулах комисст баяр хүргэе!